लेखनी प्रतियोगिता -03-Feb-2022
🌹 🌹 🌹 🌹 غریبی🌹 🌹 🌹 🌹
ہم نے جِسے پُکارا غریبی کے دَور میں۔
اس نے کیا کنارہ غریبی کے دَور میں۔
دِن کو بِچھا کے رات ہمیں اوڑھنی پڑی۔
یوں بھی کیا گُزارہ غریبی کے دَور میں۔
تا دِیر یارو بے سَر و سامان ہم رہے۔
پَر حوصلہ نہ ہارا غریبی کے دَور میں۔
شَب کیا ہے دِن بھی دوستو تاریک سَا لگا۔
چمکا نہ کوئی تارا غریبی کے دَور میں۔
جو کام جان و دل کے لۓ تھا مُضِر بہت۔
وہ بھی کیا گَوارہ غریبی کے دَور میں۔
اپنے نظر نہ آۓ کہیں دُور تک ہمیں۔
ہر راستہ نِہارا غریبی کے دَور میں۔
غم کا نہ حَال پوچھۓ ہَنس ہَنس کے یوں فراز۔
خوشیوں نے ہم کو مَارا غریبی کے دَور میں۔
سرفراز حسین فراز پیپل سانہ مرادباد۔
🌹**🌹*🌹*🌹*🌹*🌹*🌹*🌹**🌹
Sarfaraz
03-Feb-2022 10:23 PM
شکریہ دوستوں
Reply